Qazaqstan Respýblıkasy Ulttyq ekonomıka mınıstrliginiń buıryǵy  №107

2015 jylǵy 18 aqpan, Astana qalasy Keden odaǵynyń kedendik shekarasymen tuspa-tus keletin Qazaqstan Respýblıkasynyń Memlekettik shekarasynda ınfeksııalyq jáne parazıttik aýrýlardyń ákelinýin jáne taralýyn sanıtarııalyq-karantındik baqylaýdy júzege asyrý jáne Qazaqstan Respýblıkasynyń shekarasy men aýmaǵyn sanıtarııalyq qorǵaýdy qamtamasyz etý qaǵıdalaryn bekitý týraly «Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasy Kodeksiniń 21-babynyń 2-tarmaǵyna sáıkes buıyramyn: 1. Qosa berilip otyrǵan Keden odaǵynyń kedendik shekarasymen tuspa-tus keletin Qazaqstan Respýblıkasynyń Memlekettik shekarasynda ınfeksııalyq jáne parazıttik aýrýlardyń ákelinýin jáne taralýyn sanıtarııalyq-karantındik baqylaýdy júzege asyrý jáne Qazaqstan Respýblıkasynyń shekarasy men aýmaǵyn sanıtarııalyq qorǵaýdy qamtamasyz etý qaǵıdalary bekitilsin. 2. Qazaqstan Respýblıkasy Ulttyq ekonomıka mınıstrliginiń Tutynýshylardyń quqyqtaryn qorǵaý komıteti (Á.B. Mátishev) Qazaqstan Respýblıkasynyń zańnamasynda belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryq memlekettik tirkelgennen keıin kúntizbelik on kún ishinde onyń merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin; 3) osy buıryqtyń Qazaqstan Respýblıkasy Ulttyq ekonomıka mınıstrliginiń ınternet-resýrsynda ornalas­tyrylýyn qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasynyń Ulttyq ekonomıka vıse-mınıstri T.M. Jaqsylyqovqa júktelsin. 4. Osy buıryq alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi. Mınıstr E.DOSAEV «KELISILGEN» Qazaqstan Respýblıkasynyń Densaýlyq saqtaý jáne áleýmettik damý mınıstri ___________ T. Dúısenova 2015 jylǵy 19 aqpan Qazaqstan Respýblıkasy Ulttyq ekonomıka mınıstriniń 2015 jylǵy 18 aqpandaǵy №107 buıryǵymen bekitilgen Keden odaǵynyń kedendik shekarasymen tuspa-tus keletin Qazaqstan Respýblıkasynyń Memlekettik shekarasynda ınfeksııalyq jáne parazıttik aýrýlardyń ákelinýin jáne taralýyn sanıtarııalyq-karantındik baqylaýdy júzege asyrý jáne Qazaqstan Respýblıkasynyń shekarasy men aýmaǵyn sanıtarııalyq qorǵaýdy qamtamasyz etý qaǵıdalary 1. Jalpy erejeler 1. Osy Keden odaǵynyń kedendik shekarasymen tuspa-tus keletin Qazaqstan Respýblıkasynyń Memlekettik shekarasynda ınfeksııalyq jáne parazıttik aýrýlardyń ákelinýin jáne taralýyn sanıtarııalyq-karantındik baqylaýdy júzege asyrý jáne Qazaqstan Respýblıkasynyń shekarasy men aýmaǵyn sanıtarııalyq qorǵaýdy qamtamasyz etý qaǵıdalary (budan ári — Qaǵıdalar) «Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasy Kodeksine jáne Keden odaǵy komıssııasynyń 2010 jylǵy 28 mamyrdaǵy № 299 sheshimimen bekitilgen Keden odaǵynyń kedendik shekarasynan ótetin adamdar men kólik quraldaryna, Keden odaǵynyń kedendik shekarasy arqyly jáne Keden odaǵynyń kedendik aýmaǵynda ótetin baqylaýdaǵy taýarlarǵa memlekettik sanıtarııalyq-epıdemıologııalyq qadaǵalaýdy (baqylaýdy) júzege asyrý tártibi týraly erejege (odan ári – Ereje) sáıkes ázirlengen jáne Keden odaǵynyń kedendik shekarasymen tuspa-tus keletin Qazaqstan Respýblıkasynyń Memlekettik shekarasynda ınfeksııalyq jáne parazıttik aýrýlardyń ákelinýin jáne taralýyn sanıtarııalyq-karantındik baqylaý jáne Qazaqstan Respýblıkasynyń shekarasy men aýmaǵyn sanıtarııalyq qorǵaýdy qamtamasyz etý tártibin aıqyndaıdy. 2. Sanıtarııalyq-karantındik baqylaý – adamdardyń jáne júkterdiń Keden odaǵynyń kedendik shekarasymen tuspa-tus keletin Qazaqstan Respýblıkasynyń Memlekettik shekarasy arqyly ótýi kezinde el aýmaǵyna ınfeksııalyq jáne parazıttik aýrýlardyń, sondaı-aq adam densaýlyǵyna áleýetti qaýipti zattardy jáne ónimderdiń ákelinýine jol bermeý maqsatynda ótkiziletin, júkterdiń sanıtarııalyq-epıdemıologııalyq jaǵdaıyn jáne adamdardyń densaýlyq jaǵdaıyn baqylaý. 3. Qazaqstan Respýblıkasynyń Memlekettik shekarasy arqyly ótkizý pýnktterindegi sanıtarııalyq-karantındik baqylaý Qazaqstan Respýblıkasynyń shekarasy men aýmaǵyn sanıtarııalyq qorǵaýdyń quramdas bóligi bolyp tabylady. 4. Qazaqstan Respýblıkasynyń Memlekettik shekarasy arqyly ótkizý pýnktterinde halyq densaýlyǵyna qaýip tóndiretin jolaýshylarǵa, ekıpajdarǵa, poıyz brıgadalaryna, kólik quraldaryna, júkterge sanıtarııalyq-karantındik baqylaýdy júzege asyrý úshin sanıtarııalyq-karantındik pýnktter uıymdastyrylady. 5. Qazaqstan Respýblıkasynyń memlekettik shekarasy arqyly ótkizý (sanıtarııalyq-karantındik pýnktterde) pýnktterindegi sanıtarııalyq-karantındik baqylaýdy halyqtyń sanıtarııalyq-epıdemıologııalyq salamattylyǵy salasyndaǵy memlekettik organ vedomstvosynyń kóliktegi bólimshesi júrgizedi. 2. Qazaqstan Respýblıkasynyń shekarasy men aýmaǵyn sanıtarııalyq-karantındik baqylaýdy júzege asyrý jáne sanıtarııalyq qorǵaýdy qamtamasyz etý tártibi 6. Sanıtarııalyq-karantındik baqylaý mynadaı ınfeksııalyq jáne parazıttik aýrýlardyń ákelinýine jáne taralýyna jol bermeý maqsatynda júrgiziledi: 1) karantındik ınfeksııalar (oba, tyrysqaq, sary qyzba); 2) asa qaýipti ınfeksııalar (kontagıozdy vırýsty gemorragııalyq qyzbalar: Lass, Marbýrg, Ebola, Hýnın, Machýpo, Kongo-Qyrym gemorragııalyq qyzbasy); 3) aýyr jiti respıratorlyq sındrom nemese atıpııaly pnevmonııa; 4) patogendigi joǵary jańa kishi tıp týdyratyn pandemııalyq tumaý (A/H1N1, A/H5N1 qus tumaýy jáne basqa tıpter); 5) parazıttik aýrýlar (bezgek); 6) Erejege 2-qosymshada kózdelgen basqa da ınfeksııalyq aýrýlar. 7. Qazaqstan Respýblıkasynyń Memlekettik shekarasyndaǵy ótkizý pýnktterinde halyqtyń sanıtarııalyq-epıdemıologııalyq salamattylyǵy salasyndaǵy memlekettik organ vedomstvosynyń ýákiletti tulǵalary: 1) osy Qaǵıdalardyń 6-tarmaǵynda kózdelgen jáne Dúnıejúzilik densaýlyq saqtaý uıymynyń aqparatyna sáıkes ınfeksııalyq jáne parazıttik aýrýlar boıynsha qolaısyz elderden jolaýshy jáne ózge de kólik quraldary nemese jeke tulǵalar kelgende; 2) jolaýshy jáne ózge de kólik quralynyń ekıpajynan kólik quralynda ınfeksııalyq jáne parazıttik aýrýmen aýyratyn naýqastyń nemese aýrýǵa kúdikti adamnyń bolýy týraly habarlama alǵanda; 3) jóneltýshi, tranzıt eldiń nemese alýshy eldiń quzyretti organdarynan halyqtyń densaýlyǵyna qaýip tóndiretin júktiń kelýi týraly aqparat alǵanda; 4) Qazaqstan Respýblıkasynyń Memlekettik shekarasy arqyly ótkizý pýnktterinde konteınerler men lıhterlerdiń ashylý belgisi anyqtalǵanda nemese olardyń bútindigi buzylǵanda; 5) kólik quralynda osy Qaǵıdalardyń 6-tarmaǵynda kórsetilgen ınfeksııalyq jáne parazıttik aýrýlardy taratýshy jándikter, kemirgishter jáne ólgen kemirgishter anyqtalǵanda; 6) áýe nemese teńiz (ózen) kemesiniń bortynda sanıtarııalyq-epıdemııaǵa qarsy (profılaktıkalyq) is-sharalar, onyń ishinde Qazaqstan Respýblıkasynyń aýmaǵyn sanıtarııalyq qorǵaýdy júzege asyrý boıynsha is-sharalar júrgizýdi talap etetin, osy Qaǵıdalardyń 6-tarmaǵynda kórsetilgen ınfeksııalyq aýrýlarǵa kúdikti adamnyń bolmaýy týraly belgilengen tártippen aldyn ala aqparat berilmegende; 7) halyqaralyq tasymaldy júzege asyratyn kólik quralynda buryn júzege asyrylǵan sanıtarııalyq-karantındik baqylaý barysynda Qazaqstan Respýblıkasynyń halyqtyń sanıtarııalyq-epıdemıologııalyq salamattylyǵy salasyndaǵy zańnamasynyń buzýshylyǵy anyqtalǵanda; 8) buryn qoldanysta bolǵan jáne aýrý juqtyrǵan aýdandary bar elderden nemese epıdemııa aımaqtarynan ákelingen ishinde kıim-keshek, kıim, tósek jabdyqtary nemese turmysta qoldanylatyn basqa da zattar, ydys-aıaq, oıynshyqtar bar, bútindigi buzylǵan halyqaralyq poshtalyq jóneltilimder anyqtalǵanda sanıtarııalyq-karantındik baqylaýdy júrgizedi. 8. Qazaqstan Respýblıkasynyń Memlekettik shekarasy arqyly ótkizý pýnktterinde memlekettik baqylaýdy júzege asyratyn ýákiletti tulǵalar jáne kólik obektileriniń personaly adamdar densaýlyq jaǵdaıyna shaǵymdanyp júgingen kezde sanıtarııalyq-karantındik baqylaýdy júzege asyratyn ýákiletti tulǵalardy dereý habardar etedi. 9. Qazaqstan Respýblıkasynyń Memlekettik shekarasy arqyly ótkizý pýnktterinde sanıtarııalyq-karantındik baqylaýdy júzege asyratyn ýákiletti tulǵalar qyzmettik kýáligin kórsete otyryp, halyqtyń densaýlyǵyna qaýip tóndiretin ekıpaj músheleri, jolaýshylar jáne júkter bar úı-jaılarǵa, kólik quraldaryna kedergisiz kiredi. Epıdemıologııalyq jaǵdaı ýshyqqan jaǵdaıda sanıtarııalyq-karantındik baqylaý barlyq baqylaý túrlerinen (shekaralyq, kedendik jáne basqa) buryn ótedi. 10. Sanıtarııalyq-karantındik baqylaýdy júzege asyratyn ýákiletti tulǵalarǵa áýe kemeleri ekıpajdarynyń komandırleri, teńiz kemeleriniń kapıtandary, poıyz brıgadalarynyń brıgadırleri mynadaı qujattar usynady: 1) áýe kóliginiń jalpy deklarasııasynyń sanıtarııalyq bólimi, teńiz (ózen) kemesiniń teńizdik medısınalyq-sanıtarııalyq deklarasııasy, teńiz (ózen) kemesiniń sanıtarııalyq baqylaýdan ótkendigi týraly kýáligi, teńiz (ózen) kemesiniń sanıtarııalyq baqylaýdan bosatylǵany týraly kýáligi, temir jol kóligindegi sanıtarııalyq jáne reıstik jýrnaldar, qajet bolǵan jaǵdaıda vaksınasııa týraly halyqaralyq kýálikter; 2) jolaýshy jáne ózge de kólik quralyn dezınfeksııa, dezınseksııa men deratızasııa júrgizilgenin rastaıtyn qujattar; 3) eksporttaýshy eldiń quzyretti organy bergen júkterdiń qaýipsizdigin kýálandyratyn olardyń ilespe qujattary (sanıtarııalyq-epıdemıologııalyq qorytyndy (gıgıenalyq qorytyndy, gıgıenalyq sertıfıkat), tısti (sanıtarııalyq, sáıkestik, sapa, densaýlyq) sertıfıkattary. 11. Jeke tulǵalardy (áýe kemeleriniń, teńiz kemeleriniń jáne poıyzdardyń jolaýshylaryn qospaǵanda) sanıtarııalyq-karantındik baqylaý Qazaqstan Respýblıkasynyń Memlekettik shekarasy arqyly ótkizý pýnktterinde Qazaqstan Respýblıkasynyń aýmaǵyna ınfeksııalyq jáne parazıttik aýrýlardyń ákeliný jáne taralý jaǵdaılaryn boldyrmaý maqsatynda turaqty júrgiziledi. 12. Sanıtarııalyq-karantındik pýnktterde teplovızorlardy, baılanyssyz termometrlerdi paıdalaný arqyly jeke adamdarǵa sanıtarııalyq-epıdemıologııalyq tekserý jáne osy Qaǵıdalardyń 6-tarmaǵynda kórsetilgen ınfeksııalyq jáne parazıttik aýrýlar boıynsha qolaısyz elderden kelgen adamdarǵa, sondaı-aq kelgen kólik quralynyń ekıpajynan ınfeksııalyq jáne (nemese) parazıttik aýrý sımptomdary bar naýqastyń nemese oǵan kúdikti adamnyń bolýy týraly aqparat alǵan kezde suraý júrgiziledi. Sanıtarııalyq-karantındik pýnktterde kezekshilik aýysymynyń quramy 2 mamannan kem bolmaýy tıis. Sanıtarııalyq-karantındik baqylaýdy júzege asyratyn ýákiletti tulǵalar komandırdiń nemese áýe, sý (ózen) kóligi ekıpajynyń jaýapty múshesiniń, poıyz bastyǵynyń, avtokólik quraly júrgizýshisiniń suraýy boıynsha kólik jáne (nemese) jol qujattarynda kólik quralyna sanıtarııalyq sharalar qoldanǵandyǵy týraly belgi qoıady. 13. Infeksııalyq jáne (nemese) parazıttik aýrýlarmen aýyratyn naýqas anyqtalǵan jaǵdaıda halyqtyń sanıtarııalyq-epıdemıologııalyq salamattylyǵy salasyndaǵy memlekettik organ vedomstvosynyń ýákiletti tulǵalary mynadaı: 1) naýqasty densaýlyq saqtaý uıymyna emdelýge jatqyzǵanǵa deıin Qazaqstan Respýblıkasynyń Memlekettik shekarasy arqyly ótkizý pýnktiniń oqshaýlaǵyshynda ýaqytsha oqshaýlaý; 2) naýqaspen qarym-qatynasta bolǵan adamdardy observasııalaýdy, medısınalyq aıǵaqtary boıynsha olardy densaýlyq saqtaý uıymyna emdelýge jatqyzý; 3) bortynda ınfeksııalyq jáne parazıttik aýrýlardyń sımptomdary bar nemese ınfeksııalyq jáne parazıttik aýrýlarǵa kúditi adam anyqtalǵan kólik quralynda dezınfeksııalyq is-sharalardy uıymdastyrý boıynsha sanıtarııalyq-epıdemııaǵa qarsy (profılaktıkalyq) is-sharalardy júrgizedi. 14. Halyqtyń sanıtarııalyq-epıdemıologııalyq salamattylyǵy salasyndaǵy memlekettik organ vedomstvosynyń ýákiletti tulǵalary júzege asyratyn sanıtarııalyq-karantındik baqylaý nátıjeleri boıynsha Qazaqstan Respýblıkasy Densaýlyq saqtaý mınıstriniń 2011 jylǵy 20 jeltoqsandaǵy № 902 buıryǵymen bekitilgen (Qazaqstan Respýblıkasynyń normatıvtik quqyqtyq aktilerdin memlekettik tirkeý tiziliminde № 7424 bolyp tirkelgen) sanıtarııalyq-epıdemıologııalyq tekserý aktisi toltyrylady, onda qajetti ilespe qujattardyń bolýy, kelgen kólik quralynyń túri jáne baǵyty, jolaýshylar men ekıpaj músheleriniń sany, ınfeksııalyq jáne parazıttik aýrýlarǵa kúdikti naýqastardyń bolýy, halyqtyń densaýlyǵyna qaýip tóndiretin júktiń ataýy kórsetiledi. 15. Kelgen kólik quraldarynda taratýshy jándikter, kemirgishter nemese ólgen kemirgishter anyqtalǵan jaǵdaıda tıisti aýmaqtardaǵy jáne kóliktegi bas memlekettik sanıtarııalyq dárigerlerdiń sanıtarııalyq-epıdemııaǵa qarsy (profılaktıkalyq) is-sharalardy júrgizý týraly qaýlysy boıynsha kólik quraldary júkterimen birge (bar bolǵan jaǵdaıda) dezınfeksııalyq, dezınseksııalyq jáne deratızasııalyq is-sharalar júrgiziletin sanıtarııalyq turaqqa (sanıtarııalyq aılaq, sanıtarııalyq alań, sanıtarııalyq tuıyq) jiberiledi. Dezınfeksııalaý, dezınseksııalaý, deratızasııalaý aıaqtalǵannan keıin sanıtarııalyq-karantındik baqylaýdy júzege asyratyn ýákiletti tulǵa kólik quralynyń halyqaralyq medısınalyq-sanıtarııalyq qujatyna belgi qoıady jáne óńdelgen kólik quraldary júkterimen birge (bar bolǵan jaǵdaıda) Qazaqstan Respýblıkasynyń aýmaǵyna ákelinedi. 16. Sanıtarııalyq-karantındik baqylaýdy júzege asyratyn ýákiletti tulǵalar ınfeksııalyq jáne parazıttik aýrýlar boıynsha qolaısyz elderge baratyn jolaýshylarǵa jáne týrıstik fırmalardyń ókilderine nusqaýlar júrgizedi. Kólik quraldarynyń personaly jáne júkterge jáne jolaýshylarǵa qyzmet kórsetýge qatysatyn áýejaılar, porttardyń jáne vokzaldardyń qyzmetkerleri kóliktegi dárigerlik-ushqyshtyq saraptaý komıssııasynyń jáne kóliktegi medısınalyq uıymdardyń shtatyna kiretin sanıtarııalyq-epıdemıologııalyq beıindi mamandary gıgıenalyq oqýdan jylyna keminde 1 ret jıilikpen ótýi tıis. Buıryq Qazaqstan Respýblıkasynyń Ádilet mınıstrliginde 2015 jylǵy 20 naýryzda Normatıvtik quqyqtyq kesimderdi memlekettik tirkeýdiń tizilimine №10521 bolyp engizildi.